الترقية للاداره العليا

ألف مبروك للساده الذى سوف يتم ترقيتهم للاداره العليا وبصراحه شديده أنا مش مصدق انى ضمن هذه الترقيات لاننى لم أكن أحلم فى يوم من الايام انى اترقى و أبقى ضمن الاداره العلياا لكن السيد الوزير الله يكرمه عملها ورقى الناس الغلابه وعلشان كده أنا بالنيابه عن هؤلاء بأخص بالشكر أولا السيد وزير البترول وثانياكل من ساهم فى هذه الترقيات بس بصراحه شديدة على قد ماأنا مبسوط فأنا أيضا مكسوف بتقولوا ليه انا راجل ميكانيكى ولما بييجى اى حد من الزملاء يبارك لى ببقى محرج وبحس انه بيتريق عليا فياترى احساسى ده صحيح ولا انا بيتهيألى أرجوكم حد يرد عليا ويريحنى

بلقسلثس

مبروك الترقية والاسم الجديد , أيوة كدة نفسنا نفرح شوية
ولازم تفرح وتفتخر بعملك الاساسى وترقيتك الجديدة ,

وان ماكانش فية تقدير واعتراف بحق الناس اللى بنوا الشركة مين يتقدر

الف الف مبروك يامدير ,,, الف مبروك يااسطى ,, ولا تعيب تلك الكلمة فمعناها كبير جدا .

الف مبروك لكل السادة المديرين الجدد
الإدارة العليا محتاجة ناس بتشتغل بإيديها بجد
دى الناس اللى شالت الشركة فوق أكتافها
الأسطوات وأفراد الصيانة والمؤهلات المتوسطة دول عصب الشركة
خلينا نحس إن الناس اللى بتشتغل بجد بتأخد مكافئتها على عرقها ومجهودها
ألـــــــــــــــــــــــــــــــــــــــــــــف مبروك لاساتذتنا ومزيد من التقدم ........
مع الشكر.....

الف مبروك يا مدير( زعلان سابقا" )
الكرسى صحيح بيغيير
امبارح كنت زعلان والنهاردة انت المدير.

الف مبروك الترقية للناس اللى اترقت وعقبال اللى ماترقوش

ياعم الف مليون مبروك ليك وللكل وللى عليهم الدور كمان ومزيد من الترقى للجميع

الف مبروك يازعلان المبسوط و عقبال منشوفك فى اعلى الدرجات

مليش دعوة انا عايز أرجع ميكانيكى من تانى بس أشتغل الله ينعل ابو الترقيات اللى بالشكل ده ايه الفايده انى اترقى وأقعد عوطلى من غير شغل بحجه انى بقيت مدير اعذرونى مش هيحس بيه الا اللى قاعد مركون من غير شغل و على فكره دول طلعوا كتير أوى علشان كده انا بوجه دعوة لكل واحد مسئول أونقابى أو عضو مجلس اداره وبقولهم اتحركوا اعملوا اى حاجه وبطلوا خوف بقى و تصدوا لاى طاغيه لانكم ببساطة شديده هتتسئلوا من المو لى عز وجل عن كل مايدور فى الشركة من ظلم بين ( اللهم قد بلغت اللهم فاشهد )

رلىبابسيليب

أولا أنا باشكرك يا أخى مجهول على اهتمامك بالرد على واحب اعرفك ان الناس اللى معايا هما كمان مركونين طب اعلمهم ايه وليه وزى ما انت مجهول انا كمان مجهول فهمتنى ياعم ونصيحه للك عضة الكلب وحشه وعلاجها مشكله طب انا اعرف واحد القطه عضته وهو مركون ودى حادثة طارئه بس انا اوعدك انى هنفذ نصيحتك وهعلم اللى معايا الصبر على الركنه ...... بالسياره

الف مليون مبروك
وكل الارداء تطالب بتغيير اسمك
وياريت تخليه الرايق [b]