بتحلم بإية ؟

لو مش هاتحلم معايا مضطر أحلم لوحدى , لكنى فى الحلم حتى

مش ممكن أحلم لنفسى

ياترى بتحلم بأية . ممكن نتكلم عن احلامنا شوية . وسأبدأ بنفسى :
* الحلم الشخصى : دايما بأحلم أو بأتمنى يد النبى صلى الله عليه وسلم تمتد وانا أخذ منه شربة يوم القيامة .
*الحلم العائلى : انا عندى 3 بنات بأحلم بيهم متزوجات وأنا بأربى أولادهم وبالعب معاهم.
*الحلم العام : باحلم ونفسى ييجى اليوم يسافر فية اى عربى من الخليج الى المغرب بدون جواز سفر وتاشيرة دخول . نفسى كل اولادنا يعرفوا ويفهموا خريطة الوطن العربى .

انا بحلم اننا كلنا الوطن العربي بقف مع القدس ونفسي الحلم يتحقق

احلامك بسيطة وجميلة يارب يحققلك احلامك

احلامى برضة بسيطة
حلمى الشخصى: ادخل الجنة
حلمى العائلى : اعيش انا وولادى (هادى وشادى ) فى بيت يسعنا انا وهما وولدهم
حلمى الرئيسى : اشوف مصراجمل بلد فى الدنيا الخير يعم وولدنا يطمنوا على بكرة امان حقيقى
حلمى لشركتنا : بس نرجع زى مكنا بس نرجع نحب بعض ونخاف على بعض ونسامح وننسى

اهم حلم عندي اني ادخل الجنة انا و سائر المسلمين
والحلم الثاني اشوف الشركة زي ما ابي كان بيحكي عنها زمان جو الحب والاخاء بين الزملاء
ثالثا نخف زنب فى بعض ونبطل نطلع على كتف بعض
والحلم الحقيقي ن ربنا يحسن خواتمنا و نترك زكرى جميلة فى قلوب زملائنا

اهم احلم عندى ان اساهم فى فرحة زملائى واكون سعيد معهم وبهم والحلم الشخصى الستر فى الدنيا والأخرة والحلم ان نرتقى بشركتنا ونفتخر بها بالكفاح والجهد والعرق لأن شركتنا واللة هى بيتنا وأهم الأحلام ان نكون قلبنا على قلب بعض لأن واللة انا احب اتعرف على اللى أفضل منى واللى يعلمنى وطالما هو افضل منى هيخلينى احاول اكون زية او احسن وبكدة نكون ايد واحدة وبنخاف على بعض والجنة تكون هى ملتق كل المسلمين ويارب يهدى الجميع

اية يا عم الحلاوة دى واللة احلام جميلة ومش مستحيلة وكلامك كلة يوضح انك انسان محترم وتستحق منا كل التقدير ويارب يحقق أحلامنا كلها وشكر خاص للأخ AM على مساهمتة بهزة الفكرة فى الكلام عن الأحلام ويارب تبقى كلها حقيقة فى الزمن دة