(نقابتنا ) نقطة من اول السطر فالنبداء من جديد.

انت بتتكلم كلام جميل جدا

كلام فى الصميم بارك الله فيك

ربنا يكرمنا

ا/ ايمن اكيد الكلام جميل محدش يقول حاجة لكن بامانة كده احنا فى السويس بنحب المهندس / عز فى مجلس الادارة والزغبى واحمد خطاب من الاسكندرية يعنى بيكلمونا الناس وبيتبعوا معانا لكن الباقى ايدك منهم و لكن نحاول بس هما كمان يسعدونا يا ا/ايمن ويتغيروا ويقربوا من الناس معاهم رئيس مجلس ادارة البترول كلة بيحسدنا علية راجل بتاع شغل وبيحب مصلحة العمال لكن هما يتحركوا شوية وهى كام مشكلة ومشاكل بسيطة بس يخلصوها

الله ينور عليك يا برنس

انت بتنفخ فى قربة مخرومة ياايمن ودى كمان متخرمتش دى اتقطعت
لكن الكلام جميل فعلا ونحاول ............

كلامك فى الصميم يا باشا

ممكن اعرف الدورة النقابية الجديدة هتبدا امتى وهل سيتغير النظام القديم فى الانتخاب وسيحل محلة نظام جديد

ازيك يا ايمن عامل اية الموقع ده اشتركتلى فية من زمان قبل مطلع على المعاش
فاكر يايمن يوم مقلتلى واناعلى البوابةعلى الموقع قلتلك فضلى اسبوع يا ايمون واخرج البركة فيكم ياشباب انت عارف انى بعرف فى الكمبيوتربس الاشتراك فى المواقع معرفش انت الى اخترتلى الاسم وكتبتلى الاسم والرقم السرى على جراب المحمول انا دورت سعتين لحد ملقيت الجراب علشان اكلمكم ياريت يايمن لو متقلش اسمى اسمع كلام عمك لحسن اقرصك من ودنك لا بسم اللة مشاء الله دخلت بالصدفة بكتب انابيب البترول على جوجل جالى الموقع اول حاجة جميل فكرنى بالناس الحلوه ياه يايمن وانا بقرة كلامك رجعنى لكتير يايمن لكتير وحسيت انى قدام ابو ايمن ربنا يديلوا الصحة ولدك نفس الكلام نفس الروح نفس حب الناس وحبة للشركة لو سمح ولادى ححكلكم موقف لابو ايمن الحاج مهدى علشان تعرفوا ان ايمن مش من فراغ ابوه ثورى وطول عمرة مع الحق ويمكن يتعلموا منها ولادى النقابين الجداد كان فية مشكلة انهم مش عوزين يضيفوا على المرتبات بتعتنا بدل التهجير وكان ياولادى 3 جنية متضحكوش كانو كتير ايمنا كان مرتبى كلة 14 جنية ولو ضافوا ال 3 جنية حيبقة 17 ها اتخيلتوا ياولادى كانو عزاز لينا ازاى المهم دخل مهدى القاعة وكان سعتها الاستاذ احمد الحسينى مدير الادارية للشركة وكان المهندس عبد الحفيظ عيد مدير السويس وكنا كتير فى القاعة كانو بيصينو الخطوط فى مسطرد ومكنش فية اى خط شغال سعتها كانو خطين بس ياولادى بنا وبين مسطرد مش شغالين اتملت القاعة وابتدى الكلام مهدى من نحية والحسينى من نحية تنية ودخل عبد الحفيظ عيد فى الكلام مهدى مصمم على الضم والحسينى رافض بس مهدى كان فاهم قعد يقلة الشركات ضمت واحنا لا وهات وخد والقاعة ولعت بس مهدى كان نقابى فاهم وعارف الى لية والى علية كان الحسينى جبروت بمعنى كلمة جبروت محدش يقدر علية ابدا بعد سعتين من الكلام لقينا مهدى بصلنا وقلنا الكلام خلص يلة يارجالة اتفضلوا الحسينى اتعفرت وقال احنا الى دعينا الناس والى عايز يمشى مع مهدى ويخرج من القاعة يعمل النهارده اجازه قلة مهدى لو جية احمد عز الدين هلال بنفسة ميقدرش يدى الناس دى اجازه وانا بقلك وبصلنا تانى وقلنا معايا ولا مش معايا كانا بنصدق مهدى وعرفين انة فاهم خرجنا كلنا قبل ميكمل كلامة وسبنا الحسينى وعبد الحفيظ فى القاعة وهما يمين وضملنا ال3 جنية ياة ايام ونقابين بحق الله يرحمك ياحج مسعد كان مهدى يتفق مع الحاج مسعد قدمنا انة حيدخل ويقفل مع المدير ويطلب منة بعد ما يخرج يدخل هو ويخلص المشكلة كانوا متفهمين وبيحبوا الناس وبيحبوا بعض عرفين ياولادى حبناهم لية علشان كانوا زينا بيفضلوا مصلحة الناس على مصالحهم وكان الناس قبل منهم ديما لعمرهم خدو حق حد او عينوا حد زى ما بسمع اليمين دول انا عارف انى طولت عليكم بس كنت عاوز اعرفكم نقبتنا كانت عملة اية يمكن يتعلموا منهل ولادى ربنا معاكم على الايام الصعبة الى احنا عيشنها

كلام كبير يا حاج يدل على انك كبير مش سنك بس لأة نضج كلامك يقول انك بتعرف تعطى دروس فى كل شئ يا ليتنى كنا حضرنا الناس دى عمومآ اللى عايز سمعتة تسبقوا احنا فيها يعمل ولو ربع دول هينول احلى من الكلام دة وربنا يعطيك الصحة يا حاج على النصائح الغالية

ربنا يبارك لك فى صحتك وصحة كل من همة مصلحة الناس فكرتنا بالزمن الجميل ارجو لاتبخل علينا بالنصايح و....حكاوى الزمن الجميل لنتعلم منها

شيئ عجيب جدا وغريب قوى كل عضو نقابي ممتاز جدا ومتواجد بشدة فى اى منطقة اخرى غير منطقتة لية كدة فية سبب ولا بدون تعليق تاني العضو النقابى فوزى عمر متواجد بجميع مشاكل منطقة وجه بحرى وغيرة من النقابيين من جميع مناطق الشركة من طنطا والسويس ومسطرد ولكن عايزين صحوة لابنائنا النقابيين من وجه بحرى .................... وعجبي

هو في نقابيين في وجه بحري !!!!!!!!!