من طرف طلًي ياشمس الحرية .. على شباب مصر الفتية
وارفع راسك انت وهيّه .. يامصري ، ويا مصريّة
***
ياللّي قهرتوا المستحيل .. ياشباب مصر الأصيل
يا جيل من بعد جيـــل .. بتشرفوا الإنســانية
***
صحّيتوا قلوبنا اللّى ماتت .. وسنين عمرنا اللّي فاتت
للفرح من تاني عـــادت .. والفرحه كانت منسيّة
***
وياشهيد .. هنيّالك .. روحك الطاهرة جيّالك
فى نعيم الجنة تصفى لك .. برضا رب البريّة
***
كدّاب يا مصر .. كدّاب .. من قال :عندنا إرهاب
دا الحب .. على كل باب.. والفرحة الكبيرة جايّة
***
الفرحة اللّي فجّرها الولاد .. في الميدان وف نفس الميعاد
إبتدى دحر الفساد .. بعزم القلوب الفتيّــة
***
شباب كتبوا ملحمة .. رفعت راسنا للسما
والمسئوليّة .. متقسمة .. ودين عليكو وعليّ
***
نصعد بمصرنا للأمـام .. وطبعك المصري الهمام
يمسك زمام الحسام .. دا النصر .. أجمل هديّة
***
وزيّ ما عدّينا الصعاب .. ح نعدّي فوق كل الخراب
ونزرع بكره اللّي غاب .. ف عيون مصر البهيّـة
***
هوّه ده مقامك يا مصر .. يا تاج فوق كل عصر
يا نصر من بعد نصر .. فوق جبين الإنســانيّة
» الظلم والفساد المنتشر فى الشركه
» الى المهندس / محمد فتحى موسى
» الى رئيس مجلس الادارة للأهميه
» ممكن استفسار بعد اذنكم ضرووووووووري
» كل عام و انتم بخير
» موقع وموقف منتدي انابيب البترول
» صندوق الزماله كلاكيت تانى مره
» الى رئيس مجلس الادارة للأهميه القصوى