هااام وعاجل الي عمال انابيب البترول الشرفاء

السادة الزملاء علمت من مصادر موثوقة من ادارة الضباط(الامن) ان هناك تتبعات لشخصيات في الشركة وانا اتسال لماذا تتم هذة الافعال برغم قيام الثورة والغاء امن الدولة او هل هي ارهاب من نوع اخر ام هي اسكات لاصوات الحق ولهدف من يحدث هذا ام لهذا السبب يتم احضار الضباط الي ادارة الضباط(الامن)حتي ان هناك من قالوا ان عدد الضباط يكاد يفوق عدد الافراد وعلمت ايضا ان هناك مهزله حدثت لرئيس وردية واهنته امام مرؤسية ...... من ضابط (حديث) بالشركة علي درجة مدير عام مساعد لكن الي متي هذة العنجهية العسكرية داخل شركتنا ام سيتم تحويل ادارة من شركتنا الي امن دوله اخري ويحدث مالايحمد عقباة اترك هذة الرسالة بين ايديكم وكلي امل في التغيير واصلاح الفساد بل وتطهيرة فهل تقبلون هذا الوضع المهين في شركتنا

[/center]

استاذ سعيد خليك ايجابى بقى مش من اولها كدة

ايجابى ازاى يا اسماعيل هو قال عرفنا رئيس الوردية يعمل اية يعنى يتخانق وخلاص

ياعم صقر البداية مش مطمنة ودة من كلامة

الاخوة الاعزاء شكرا جزيلا لهذة الردود البناءة والاختلاف في الراي لايفسد للود قضية اولا انا بتكلم علي ضباط الامن مش علي ادارة الامن ثانيا اللي المفروض انهم جايين يعملوا في الشركة كانهم موظفين مش بهوات في مكاتب واوامر عسكرية في كتيبة والمفروض كمان انهم جايين علشان خطوط الشركة اللي كلنا عارفين ان كل متر فية كليبس ودة ان دل فيدل علي التقاعس في عمل الضباط مش في عمل الامن يعني المفروض يبقوا برة الشركة مش داخلها ثالثا بالنسبة لرئيس الوردية اللي اتهان هو السيد مغاوري واللي اهانه هو صلاح الهلباوي وامام افراد الامن كلهم في اجتماع لافطار العاملين في الامن وكان الراجل شغال ليل واستني للساعة عشرة الصبح علشان يشارك الاجتماع ولكن تاتي الرياح ....... وتمت اهانته علي مرئي ومسمع من الامن وافراد كانوا مشاهدين للحدث سؤالي لكم جميعا ايها الشرفاء هل يرضيكم اهانة زميلكم وانا علي استعداد ان ارد علي اي استفسار من حضراتكم وتقبلوا تحياتي

الاخوة العزاء أ/ سعيد عبد الهادي اللي حصل ان كان في اجتماع للامن عند مدير عام الامن علي الفطار سندوتشات فول وطعمية فسيد عاوز تقريبا يشرب سيجارة داخل المكتب فحب ياكل حاجة علشان السيجارة علي الصبح فجاء صلاح الهبلاوي وزعق لسيد وقاله لازم يكون في ادب واحترام وزعق بكلام من دة وسيد قالة خلاص ياصلاح بية انا اسف وبرضة صلاح مسكتش وقعد يزعق برضة فراح سيد صعبت علية نفسه وبكي من شدة الاهانة راح زمايلة يطيبوا خاطرة وجاء مدير عام الامن ولاكان هناك شيء ولا حد اعتذر من الظباط ولا اي حاجة صلاح البلاوي دة بقاله في الشركة تقريبا شهرين وهو مدير عام مساعد وسيد مغاوري بقاله 20سنة في الشركة ولو والدة كان يعرف ان ابنه هايتهان بالشكل ده مكانش قدملة يشتغل بالمهانه دي هل هذا عدل وعلي فكرة سيد لم يكتب مذكرة ولا حاجة لان زمايلنا في ادارة الامن طيبين ومش عارفين ان الضباط مبيهمهمش حد فعارفين ان دة تحصيل حاصل
اريدكم ان تساعدوا زميلكم من هذة المهانه فهو الان وانت غدا وانا بعدك اذا سكتنا من ظلم الظباط
انا لما عرفت بالموضوع زعلت وقلت اقوله لكم علشان نرجع الحق لاصحابة كالمعتاد من المنتدي
اللهم بلغت اللهم فاشهد
اللهم بلغت اللهم فاشهد
اللهم بلغت اللهم فاشهد

السادة الاصدقاء والزملاء/لو كان الزميل مغاورى على حق مكانش سكت وكان رد الاهانه فورا ولكن الموضوع انه اذا كان غلط فلا يجب ان يعامل بهذا الاسلوب الغليظ من ضباط الامن و لكن المفروض ان الزميل مغاورى كان رد الاهانه فورا و لما يحصله حاجه نبدأ نتدخل ولكن سكوته لم يعطى فرصه للتدخل اما من ناحية اعتذار الضابط صلاح هو متى حدث ان اعتذر احد الضباط لأحدوالمفروض ان يكون من مهام لجنة الدفاع الوطنى اثناء المقابله مع رئيس الوزراء تحديد اعمال الضباط فى الشركه وكذلك تحديد عددهم الذى تزايد كثيرا ولو فضل عددهم يزيد بهذه الطريقه فيجب ان ينزلوا الى مواقع العمل ولا نقبل ان ياتوا عشان يشتغلوا بهوات

يا جماعه الاستاز /سيد مغورى ده راجل محترم وطبعا احترمه للناس اللى كانو موجودين اسناء الحدس دا غير احراجه بشكل بشع امام زملائه مما ادى الى عدم الرد على البيه اللى غلط فيه الظاهر انو لسه عيش فى الدور ميعرفش ان الزمن ده خلص ومش هايرجع تانى وبعدين الضباط اللى عندنا لو كانو كفائه فى اماكنهم قبل ما يجو عندنا كانو جولنا الشركه

نرجو من السيد المهندس / رئيس مجلس الإدارة التدخل الفوري في موضوع الزملاء بالامن قبل انفجار الموقف لانهم يعانون من معاملة السادة الضباط الذين يرون انفسهم كانهم بالخدمة علما بان ادارة الامن بالشركة منذ تاسيسها في عام 1958 حتي عام 2000 لم يكون هذا العديد الرهيب الذي يقول عنه الزملاء بادارة الامن وفي هذا الوقت كان ادارة الامن تدار من الزملاء بدون ضباط
رجاء خاص من المهندس علاء اعادة النظر في ادارة الضباط قبل انفجار الموقف علما بان المهندس علاء عبد اللطيف لم يرضيه اهانة العاملين بالامن من قبل المحالين علي المعاش وليس لهم اي خبرة حقا كما قال المثل لو كان فيه الخير ما كان رماه الطير

اشكر السادة الزملاء الاعضاء علي تبنيهم الموضوع لان السادة الضباط دول وخدين علي ايام زمااان قبل الثورة انهم الاسياد والباقي عبيد او عساكر فياعملوا الكل في الشركة كأنهم عساكر في كتيبة انابيب البترول عسي الله يرينا مايثلج صدورنا وتحديد مهام الضباط اللي الكليبسات شغاله علي ودنة ومجهودنا كلها عمليات او صيانة بيروح هدر بسبب الاهمال من جانب الضباطوبالنسبة للاستاذ سيد مغاوري انا اتكلمت معاه في الموضوع واكد كل الكلام واكتر انه اعتذر للاستاذ صلاح في البداية لكن الضابط استمر في اهانته امام الجميع ومن الممكن لاي شخص ان يقابلة ويعرف الكثير وياريت حد يوصل الموضوع للسيد المهندس علاء او المهندس سعيد اسماعيل او حتي الاستاذ عصام حنفي ولازم يكون لنا رد فعل تجاه زملائنا واخوتنا في ادارة الامن لاني حاسس انهم مظلومين ومش قادرين يواجهوا طوفان الضباط واخيرا اشكر السادة الاعضاء علي الردود الجميلة والمحقة في ارجاع الحق لصاحبة وتصحيح المسار وكفانا اهدار لكرامة اي زميل وشكرا جزيلا

بسم الله الرحمن الرحيم مهاجمه الزميل والتعدى علية بالفاظ لا تليق باداب وسلوك الزمالة يقول النيى صلى الله علية وسليم لا ضرر ولا ضرار 0 0 0 والجزاء من جنس العمل

السادة الاعضاء انا عرفت دلوقت حالة السكون والهدوء اللي مالوش سبب في المنتدي اية سببه ان المنتدي بدء يفقد قوته والسبب ان اثرة غير فعال بالدرجة المطلوبة وتاكيد كلامي ان حتي الان لم يتم الرد علي المشكلة الواقعة التي تخص زميلنا السيد مغاوري حتي الان مع العلم اني قدمتك كل المبررات والاسباب وقلت اي حد عنده استفسار يقولي او يسال صاحب المشكلة شخصيا ولكن للاسف توقعت اليوم الاحد ان هايكون وجدنا الحل ولكن للاسف لم ياتي بعد الرجاء الرد علي كلامي سواء بالسلب او بالايجاب ولحضراتكم جزيل الشكر

مازلنا ننتظر رجوع الحق لاصحابة وننتظر حق الاستاذ / سيد مغاوري من الضابط صلاح البلاوي