اعتصام بجد

يا جماعة هي دي زيادة لموظفين محترمين بالبترول
30 جنية + 25 % من الاساسي
و الله عيب علينا نقبل بهذة المهانة
البنوك عملوا اعتصام زادوا 2000 جنية
والله ياجماعة بجد
احنا لازم نعمل اعتصام ونقف العمل بالشركة
حتي يتم الموافقة علي مطالبنا وهي

لائحة موحدة بقطاع البترول ( قطاع عام + قطاع الاستثماري )

و الاعتصام في الشركة حتي تنفيذ الطلبات
و الشركة عندنا لو عملت اعتصام يوم واحد
هيوافقوا علي طلبتنا شركتنا لو عملت اعتصام
الدنيا كلها هتقف و الشركات كلها هتقف

انا معاك بس مش وقتة خالص

[b]تسلم يا اخ ايمن كلامك عين العقل اللي هايقف عن العمل هايوقفنا كلنا او هايخرب بيوتنا كلنا ازاي يوقف روحنا وحبيبتنا شركتنا العظيمة تقف علشان الفلوس ملعونه الفلوس بص لو انت مش شغال في الشركة دي اية يبقي حالك دي عملالك مكانة واحترام بين الناس انا اعرف ناس في الشركة والله ممكن بفلوسهم ومال ابوهم يعملوا مصانع بس شغالين في الشركة علشان المكانة الاجتماعية انه موظف مش عاطل ومعاه فلوس حرام عليكوا حرام حرام

ممكن معكل أعتصام بس يكون أعتصام مفتوح للعاملين دون أي توقف في سير خطة العمل بالشركة

عين العقل يا سعيد وايمن ويكليكس انت صح وجيفارا رجل جدع هو تعبان من جواة بس مش دة الحل نرتقى ونصعد بانفسنا ونرتقى بالعمل وصدقنى الوزارة كلها هاتكون وراك بس البلد دلوقتى بتخرب لازم نقومها ونخليها تقف على رجل صلبة احنا عندنا فكر مش اقل من اى دولة فى العالم رجاء الانظار وربنا هايجبها من عندة ولا مظاهرات ولا وقفات بس قووووووووووول يارب بلدنا تكون اعظم بلد فى الدنيا مصر اعظم بلد فى العالم مفيش احسن منها طول عمرها رجالة مش اى رجالة رجالة اقوياء وقت الشدة رجالة وفى كل مناسبة رجالة

ايقاف العمل مرفوووووووووض نهاثيا ونعم لادب الحر

لا مكان لكم بين شرفاء الثوره ولا زال قانون الطوارئ سارى والمحاكم العسكريه أحكامها فوريه وقاسيه لا تقل فى هذه الحاله عن 15 سنه سجن وإنا لله وإنا إليه راجعون أرجو أن يجهز كل منكم شنطته وفيها ملابسه وماكينة حلاقه وفوطه وشبشب ويحملها معه فى أى وقت وهاتوحشونا كثير ولوأننى هاكون فى حياة البرزخ عند خروجكم.

السلام عليكم ورحمه الله وبركاته الاخوه في المنتدى اعرفكم بنفسي اخوكم يوسف معوض من مسطرد مسؤل التامين بإداره النقل 1- ارجوا من الزملاء سعه الصدر لما اقوله سمعت عن إعتصامات وعن إضراب وعن وقفه كل هذه لحقوق واهم شئ ان الرجاله بتقول 25 يناير والله من يتكلم في هذه الايام عن شئ من هذا القبيل فؤالله إن البلد تحترق ونحن نتكلم عن زياده في الراتب واخواننا نفسهم في تعيين ابنائهم ولو بربع الراتب فكيف يكون يامن تسهرون والناس نيام في عز البرد لسير العمل لا يكون هذا تصرف من رجال الانابيب الذى لايقل عملهم والله العظيم وهذا يمين احاسب علية لايقل عن رجال القوات المسلحة ومن يحس بان عمله غير هام فلا يستاهل الراتب الذى ياخذة اما بالنسبة لرد الاستاذ علي فرج فمن باب وذكر فإن الذكرى تنفع المؤمنين 2-كما ارجوا ان نترك هذه الايام تلفيق التهم بدون إثباتات ونرتاح شوية من الكذب والاشاعات ونعطي فترة 30يوم بدون تشكيك في فلان او إتهام فلان ومن معه مستند حقيقي يحر صوره الي مكتب رئيس الشركه ولاننشر فضائحنا امام الشركات علي المنتدى المفروض انه لحل المشكلات وليس للفضائح وشكرا

أخي العزيز / سعيد عبد الهادي أنا لم أقصد ما فهمتة أنت أنا كل قصدي حتي لوفي ناس عايزة تعتصم يجب أن يكون ذلك بدون تعطيل العمل في الشركة حتي لا يعم الخراب بمصر ، و أتباع الطرق الشرعية في المطالب ، حيث أنني سمعت أشاعة من بعض الناس انهم هيوقفوا العمل وهذا خطأ في حق الشركة و حقنا جميعا وهذا لا نوافق عليه .

يا شباب لازم يكون عندنا انتماء للمكان اللى احنا بنشتغل يعنى ايه كل مجموعه من الناس او كل فئه عايزه مطلب تقوم بعمل اعتصام او اضراب عن العمل ده مش فى مصلحة مصر احنا مش حاسين باللى بيدبر لمصر ياشباب لازم نفوق ونكونوا مدركين لخطوره اللى احنا بنفكر فيه .. ارجوكم حبو مصر ( بلدنا)

اكيد الثورة غيرت فينا ولينا حاجات كثيرة بس للأسف ماقدرتش تغير مفهومنا عن الديموقراطية اللى الناس بتفكر فيه ده مش ديموقراطيه ده فوضى وخراب مش للبلد بس ده لأولادنا وبيوتنا والتقدم اللى الثورة قدمته لنا نقول فى شهر الأفكار ده هترجعنا عشرات السنين للخلف وما تنسوش ان النظام القديم متمثل فى أمن الدولة بيبث فينا روح الخراب والتدمير لازم كلنا نحب مصر قبل مصالحنا الشخصية لأن احنا لو عملنا كده النهاردة بكره النور يقطع علشان وزارة الكهرباء لها مطالب والماء ينقطع علشان وزارة الموارد المائية لها مطالب وحدث ولا حرج
لازم كلنا نحب مصر