شكوى جماعية من العاملين بالوردى فى طنطا

عمل الورادى بنظام 12 ساعة
95 % من العاملين بالورادى فى طنطا يريدون العمل بنظام الوردية 12 ساعة / لان هذا النظام يوفر ساعات سفرويوفرمجهود شاق فى المواصلات
يوميا / لأن نظام الثلاث ورادى ايام العمل فيه حوالى 24 يوم ب 48 مشوار رايح جاى فى ساعتان بحوالى 100 ساعة مواصلات فى الشهر وأكثر من هذا / مما يؤثر سلبيا على العاملين نفسيا وجسمانيا وعقليا وعائليا وعدم استقرار / مما يؤثر
سلبيا على العمل واداء العامل لعمله *
نرجوا من السيد المهندس رئيس مجلس الادارة تطبيق هذا النظام 12 ساعة بورادى وسط الدلتا
مساوة بورادى انابيب مسطر
وشكرا جزيلا

وماذا عن ال 5% المعترضين على نظام ال 12 ساعة

"السؤال للاستاذ محمد سعدالديب : لماذا لا يدخل قطاع المخازن في نظام الورادي مع العلم انه كانت توجد نية الموافقة من الادارةالعامة علي تطبيق نظام الورادي بقطاع المهمات وبعد عرض كشف نظام العمل بالوردية بقطاع المخازن علي مدير عام المنطقة تم رفضه" نرجو التوضيح مع العلم بأن قطاع المخازن لم يتقاعص عن أداء واجبه تجاه الشركة في ظل الظروف التي مرت بها البلاد منذ بداية الازمة وحتي إنقضائها .والسلام عليكم ورحمة الله وبركاته

السلام عليكم
الا خوه الزملاء
اللى طالبين يشتغلو 12 ساعه زى مسطردنفسى اعرف انتوا بقالكم كام سنه بالشركه وليه انتو قدرتو ان عدد العاملين الموافقين على هذا النظام 95% هو انتو كنتو عملتو استفتاء وليه مطالبتوش بالمطلب ده الا بعدما اتنفذ فى مسطرد ولا هو تقليد أعمى معلش مشكلة مسطرد ان وردية أول الليل كانت بتنتهى الساعه 11.30مساءا ومعلش يعنى انت اللى بتطالب تشتغل 12 ساعه ياريت أعرف العمل اللى انت بتقوم به فى الشركه ليه بتنظرش للقياس اللى ممكن يطلع كل ساعتين أكثر من 5 مستودعات دا طبعا متابعه مقاسات دا غير باقى عمله طبعا فمعلش يعنى كلنا اكيد لازم نعرف احنا بنطلب ايه وليه وياريت انا اتمنى ان اللى يطلب مطلب يغير بيه نظام شركه يرد على ويقولى هو فى الأساس قدم ايه للشركه
ويقولى ولا بلاش علشان متوقعوناش فى غلط كفايه كده
ياريت بس اما نحب نطلب مطلب معين اننا نفكر وندرس الاول ايه هى العواقب اللى ممكن تيجى نتيجة تنفيذ هذا المطلب
اللى هيقولى انه بيسافر فللأ سف انه لما جه يتعين فى الشركه وقبل التعيين بها مقسش المشوار اللى قطعه من بيته لحد الشركه وان الشركه زمان كان اللى يتعين فيها كان لازم يغير محل اقامته علشان يكون من قاطنى المحافظه
وكفايه كده
والسلام عليكم
وياريت اللى يحب يرد على موضوعى يواجهنى مباشرة
أخوكم /أحمد شوقى

الى الاستاذ احمد شوقى / انت شغال فى الشركة من 20 سنة
ماذا قدمت للشركة هى الشركة بتأكل وبتشرب
*اولا / الشغل مجهود وضمير وامانة واللتزام وعناية وحماية
مقابل اجر وفى النهاية الكل مستفيد وليست الشركة.
* ثانيا / هذا ليس تقليد اعمى . ولكن الاعمى من يحارب الخير
بالشر بدون علم/ مع العلم بأن هذا النظام سيخفف
عناء ومجهود بدنى وصحى ومعنوى ومادى على كثير
من الزملاء ( قال رَسُولَ اللهٍِ صلى الله عليه وسلم
: (لاَ ضَرَرَ وَلاَ ضِرَارَ )
* ثالثا / تقدر تقولى ضرر واحد سيعود عليك وعلينا من هذا
النظام ولا هو اعتراض وخلاص
* رابعا / اكثر طالبى هذا النظام هم حركة البترول وانا منهم
* خامسا / فعلا تم عمل استفتاء فى جميع الادارات وكانت النتيجة
اكثر من 90 %
* قال رسول الله صلى الله عليه وسلم (لا يؤمن أحدكم -أي: لا
يكمل إيمان أحدكم- حتى يحب لأخيه ما يحب لنفسه).
والسلام عليكم ورحمة الله وبركاته

على فكرةلم يتم الموافقة على النظام 12 ساعة الى عدد قليل من الشركة وعلى سبيل المثال القطاع التى اعمل بة لايوجد سوى واحد او اثنين من الذى يسافرون وبعدين حتعملواية فى شهر رمضان شكراااااااااااااااااا انا اعمل وردية ولااوافق على 12 ساعة سلامم

الى كل العاملين بالورادى اللى فاكرين انه هبقى فيه خصم فى
بدل الوردية فى نظام 12 ساعة / لايوجد اى نقص فى بدل
الوردية نهائيا بل سيكون فيه زيادة / أما شهر رمضان الكريم
تعمل وردية النهار حتى الساعة التاسعة مساء
وشكرا

مين القال الكلام دة

السلام عليكم جميعا
انا من العاملين بالورادى فى مسطرد / مفيش اى فرق فى
بدل الوردية لان ايام العمل تحسب ساعات / واحنا بنقبض
بدل الوردية كامل زيكم بالضبط
وشكرا

شكلك فافى يا مودى عيب عليك

لا تعليق

الى الاخوة الاعزاء اعب ان اعرفكم بتان الشغل بنظام 12 ساعة ليس من الطبيعى وذالك يقلل من مجهود العاملين وان نظام الثلاث ورادى هو لصالح العمل وانت تعرف يا اخى بانك جاى شركة انابيب البترول والنظام ثلاثة ورادى فعليك ان تحمد اللة على هذا وانا بكل صدق اتوجة للسيد المهندس محمد رضا الوالد
ان يضع الامور فى نصابها الشرعى بكل حق وصدق ونحن نامل فية خيرا اما القلة التى تريد ان تعمل بنظام 12 ساعة لو كان تعينة فى شركة من الشركات الاخرى ماذا كان يفعل اقسم باللة العظيم لكان شغال بدون ان يتنفس او يرمش لة جفن وكفان تخريب فى البلد واحمدو ربنا على انكم اشتغلتم فى مثل هذة الشركة

الاخوة العزاء انتم اليوم تحسبونها بالساعات وبالمشاوير اين كنتم عندما جاء قرار تعينكم لما لم ترفضون التعين لبعد منازلكم ولا خلاص على رئى المثل قد وجدتم من يسمع الطلبات فانتم تعرفون موقع الشركة ومكوقع منازلكم والمسافة بينهما لما لم تحسبوها من قبل بالساعات والمسافات وارجوا ان يسال كل منكم نفسة وبكل صدق هل اعطيتم للشركة حقها -----000000000000000000000000000000000000لا لا احنا اتفقنا بكل صدق

السـلام عليكم ورحمة الله وبركاته شغل 8 ساعات&12 ساعه ليس بمقياس للرجال (هناك بنات في شركات خاصه يعملون بنظام 12 ساعه لان صاحب العمل يفرض عليهم ذلك هذأ عن تجربتي الخاصه)وهذآ ردا علي من يقولون ان الذين يعملون12 ساعه من نوع خاص ...... وشكرا

بالنسبة الى موضوع دخول قطاع المخازن للورادى لعدم تخليهم عن الشركة اثناء ما مرت بة البلاد من ظروف قاسية فعلى ما اعتقد ان كل الادارات بالشركة ساهمت فى فى الوقوف بجانب الشركة فبرجاء عدم ربط المواضيع ببعضها وشكرا

والله احنا جربنا ال12ساعه وهى بالفعل ممتازة ودى حقيقة والى جرب غير الى سمع

السلام عليكم ورحمة الله وبركاته
الاخوه الزملاء الاستاذ أحمد أبو ذكرى والاستاذ الاصلاح اللى بيقول انه شغال فى حركة البترول معلش انتو قولتو ان الاستفتاء على نظام 12 ساعه اكثر من 90% معلش يعنى الاستفتاء فى حركة البترول وادارة البوتاجاز حركة البترول اللى موافق فيها على نظام 12 ساعه ى25% وفى ادارة البوتاجاز اللى موافق على 12 ساعه 20 % وده والله العظيم برضاء الناس دون تدخل من أحد فأنا عايز أعرف حضراتكم جبتوا النسبه دى منين يعنى العمليه مش معارضه منى وبس ولعلمكم الشركه تشتغل 12 تشتغل 24 تشتغل 8 ساعات كل ده ميلزمنيش والاستاذ الاصلاح اذا كنت حضرتك بتقول ان نظام 12 ساعه مفهوش ضرر بالنسبه لى فحضرتك انت متحكمش انه مفهوش ضرر لأن أنا المفروض انى أقرر الضرر ده بنفسى وفى النهايه ياريت أشوف الكشوف اللى فيها النسبه دى علشان بس أعرف
وشكرا لكم جميعا