رأي هام و عاجل إلي جميع العاملين لتنفيذ طلباتنا

حتي يتم تنفيذ الطلبات الخاصة بالعاملين يجب أن نحدد طلباتنا بوضوح :-
أولا : تطبيق اللائحة المشتركة و العامة علي جميع شركات القطاع
ثانيا : المساوراة بين الشركات في المرتبات و الأرباح و البدلات (الأنتقال - الوجبة - المخاطر ) للعاملين .
ثالثا : عدم سحب إي مميزات حصل عليها العاملين من قبل .
رابعا : أولوية تعيين إبناء العاملين دون الأنتظار إلي قائمة إنتظار ولا يتم تعيين أي شخص من خارج الشركة ويوجد إبناء عاملين في القائمة .
خامسا : النظر إلي حالة العاملين بالنهار مثل الوردية .
سادسا : النظر إلي حاله العاملين في قطاعات الشركة المختلفة و المهمة بالشركة كالصيانة .
سابعا : يتم أنتخاب مجلس إدارة جديد للشركة .
ثامنا : يتم أنتخاب رئيس مجلس الأدارة من إبناء الشركة .
تاسعا : يتم الأعلان عن إي قرارات تتخذها الشركة علي جميع العاملين بمنشور رسمي .
عاشرا : يتم المساواة بين العاملين في توزيع المكافأت مش حسب المحسوبية .
الحادي عشر : المحافظة علي الثورة من إعداء الثورة .
الثاني عشر : زيادة بدل السفر و تعويض العاملين القائمين بالمأموريات الخارجية في السوق المحلي حيث إن السائقين يجمعون بين بدل السفر وساعات إضافية و يحرم منها السادة العاملين أو الأداريين .

كل المطالب دى تمام بس نقصاها حاجة واحدة السائقين اللى بيركبوا اتوبيسات الخطوط وكان مجلس الادارة اعلن لهم عن 25 جنية بدل وراح اباطرة الجرجات ووضعوا الحبايب والنايم علشان كلة يستفيد ونسى ان سائق الخط دة الاحتياطى يخرجون من بيوتهم الساعة 4 صباحا وكلة نايم فى بيتهم مما جعل ؟؟؟ بية يرفض الجميع دون التقصى عن عدد الاتوبيسلت او عمل كشف بارقام الاتوبيسات ومن قائدها ومن احتياطى السائقين انما اقتصر على الرفض فقط علما بان هذا البدل كان يجب صرفة منذ شهرا تقريبا

اشكر الاخ العزيز تيتو علي عرضة لمشكلة مهم و ياريت كل واحد عندة في القطاع بتاعة مشكلة يقول عنها و أحنا نزود طلباتنا

بالنسبة غلي البند السايع : يتم أنتخاب مجلس إدارة جديد للشركة ، يجب أن يكون نصف هؤلاء الأعضاء المنتخبون أن يكونوا من الشباب أو علي الأقل أن يكون ثلث أعضاء المجلس من الشباب و المقصود بالشباب هو الشباب صغير السن و ليس الشباب ذو الأربعين عاما لكن الشباب من سن 28 إلي ما فوق .

انا معاك يا جيفارا ودة ان شاء اللة بايدينا لاننا احنا اللى بنقوم بالانتخاب فمن الممكن الاتفاق على الافراد الذين نريد ان يمثلونا وذللك بالتفعيل مع كل المناطق عن طريق المنتدى ونبتدى ناخد اصوات مبداية على المرشحين فيما بيننا المهم ان يكون اكبر عدد ممكن قدرنا ان يكون معنا فى المنتدى

اللة ينور ياجيفارا معااااااااااااااااااااااااكم

انا معاك فى كل اللى قلته يا جيفارا وخصوصا مساواتنا بالقطاع الاستثمارى اللى هو عباره عن شقه لا اكثر وانشاء الله المساواه دى مش هتيجى بالكلام دا فى حاجات كتير المفروض نعملها بعد لما اتخذنا الطرق الشرعيه ومحدش عملنا اى حاجه ومش هيعملو اتاكدوا من كدا
شوفو بتوع بتروتريد عملو ايه هما وبوتاجاسكو وصيانكو وابيسكو لازم نعمل زيهم ونعرف كل قيادات البترول ان القطاع العام لو عمل اعتصام يوم واحد بس هيعرفو قيمته والبلد كلها هتقف ويارب يكون فى رجاله توافقنى على الكلام ده مطالبنا مش هتتحقق بالكلام بس والله والله وشكرا على حسن الاستماع

معكم بعون الله معكم من أجل الحق معكم من أجل المساواه

اشكر كل الأخوة الشرفاء الذين شاركوا معي في تجهيز و لو جزء بسيط من مطالبنا فعلينا الأن تنظيم الصفوف و الأفكار ويتم كتابة المطالب واعلانها علي جميع الأخوة في جميع مناطق الشركة ( مسطرد - بنها - كفر الدوار - الماكس - طنطا - التبين - السويس - العين السخنة - دمنهور - طلخا - شقير - الحمرا إلخ ) فيجب أن يساعدنا أخزنا محمد سعد الديب و بعض العاملين الشرفاء من العاملين المهرة و المؤقتيين وهم أعلي نسبة من العاملين في جميع مناطق الشركة ويتم تعميم هذه المطالب عليهم وجمع توقيعات من الزملاء عليها وهذا التوقيع يجب أن يكون اسم الشخص نفسة و ليس مجرد توقيع فقط حتي نحذو بالمصداقية.
وهذا كله حتي نجهز للأعتصام لتنفيذ هذه المطالب ويكون الإعتصام في وقت واحد بجميع المناطق وتكون كل منطقة تنتخب حوالي من 5 : 7 أعضاء منهم لعرض مطالب باقي العاملين التي تم التوقيع عليها من العاملين سابقا .

الاخ محمد حضرتك بتوجهم للصح من يطالب بحقوق العاملين ومن المسئول عنهم الا يوجد رئيس مجلس ادار ليرفع هذة المطالب للوزارة لازم يكون فى وقفه الاسبوع القادم وسأساعد على نشرها لجميع المناطق كل منطقه على حدى بدون تعطل للعمل ومطالبنا كلاتى

1- حل مجلس الادارة بالكامل
2- حل النقابه
3- المساواة بالقطاع المشترك
4- نقل رموز الفساد من الشركه
5- تشكيل لجنه لمراقبه صندوق الزماله وصندوق النشاط الرياضى
6- تشكيل لجنه لتعيين ابناء العاملين
7- نقل السيد مدير عام الشئون الاداريه تحقيقا لمطالب العاملين بالشركه لحسن سير العمل
8- تحسين الخدمات للعاملين بالورادى
9-نقل السيد المهندس بكرى واعوانه من عمليات مسطرد وتكليف المهندس عبد المنعم
وفقنا الله فيما هوا صالح لشركتنا الحبيبه

اخوكم/ احمد النحاس

كله كده طلبات مافيش واحد فكر يعمل ايه للشركة مع احترامى لكم جميعا

لا تعليق

رجال الانابيب الاوفياء ليس من السهل ان يفهم كلمه رجال او يحس بيهامن ليست فيهم صفات الرجوله والحمد لله انها موجوده في الزملاء الموجودين بالشركه عامه وبالمنتدى خاصه حب الشركه يجب ان يحس به الانسان وإن كنا سوف نعمل بإذن الله الفتره القادمه من عمرنا سويآ لنكمل ما بناه العظماء وكثير من ابناء العاملين يعلم كيف بنيت وانشئت هذه الشرايين للقلب الذى ينبض ليعمل قطاع البترول فما بال رجال صدقوا ما عاهدواالله عليه سواء اقسموا اولم يقسموامسلمون و مسيحيون بإدارات الشركه المختلفه بكل الحب لن يحتمل اى اب لاى احد فيكم ان يسمع كلمه إعتصام إلا وسوف يثور ويغضب حتي لكلمه تشوه صوره شرايين القلب الذى صمموها بعرقهم وصحتهم وعزمهم لانهم اوفياء إشتغلوا في هذا الصرح بملاليم ولم يفكروا في انفسهم بل فكروا في انجاز هذه الشرايين لذا نرجوا تحديد الطلبات وإرسالها لمكتب رئيس الشركه ونترك المواضيع الخاصه حتي تقف مصرنا علي قدمها ونطلب ما نريده من الوزاره والهيئه بعد اختيار من يمثلنا وتغيير النقابه ونترك لرئيس الشركه شويه يدير فيهم الشركه احسن اصبحت شئون معنويه ونسينا ان هناك شركه يجب ان تستقر تأخر 30 عام لن يرجع في شهر استعينوا بالصبر والصلاه واحنا مع بعضنا اخوه وزملاء

زميلى العزيز انا موجود فى الشركة وكمان مدير نوبتجى يعنى من قبل ما حضرتك تبقى موجود فى الشركة شوف ورادى الحركة وورادى المعمل وورادى الكهرباء شوف مين الى بيبقى نايم والى قاعدين مع بعض وسيبين اماكنهم وبعدين انتوا اساسا كنتم فين قبل كده ماكل واحد كان حامد ربنا ومش بيطلب حاجة اشمعنا دلوقتى طيب نقوم الدولة وندور عجلة الانتاج وبعدين ابقى اطلبوا صحيح الى اختشوا ماتوا واس ف فى التعبير

سياده مدير نوبتجى م. من اجلك يا مصر
حضرتك قولت ان ميشرفنيش الانضمام الى المنتدى
ياريت لو عند حصرتك ؟؟؟ ارحل من المنتدى وخلى تصيحك لنفسك
ياعنى المدير النوبتجى ما ينام على العموم انت الكبير
وفعلا الى اختشوا ماتوا
نحنوا نوادى عملتا على اكمل وجه كل عامل على حدى

ولو فعلا انت عارف كل شى قولى الصورة بتعتى دى فى اى موقع
سلام مؤقت يا من اجلك يا مصر

طلمبات بنها

والله يا اخ مسعد كلامك صح الشركه كل مانقول واحد هايمشى يمكن تنضف يجى اسوء منه الناس فى كبت من 30 عام الاخ زعلان علشان الناس شافت الحريه دلوقتى الاخ من اجلك يامصر زعلان دة مش مننا دة من اللى بيطبطبو وانتا عارف

اخوكم احمد النحاس

أخي العزيز من أجللك يا مصر في ناس ضحوا بحيتهم علشان الشركة في جميع الأماكن الصيانة و الحركة و الشحن و الورادي و الأداريين و الفنيين أستفادوا إيه هم من الشركة ، كل اللي خدوا أنهم طلع بعضهم معاش و بعضهم مات و لسة أولادهم مشتغلوش في الشركة هل هذا هو العدل من وجه نظرك أما أنك تخاف علي كرسيك أو أنك محتاج تفهمنا أن قلبك قوي علي الشركة، علي فكرة أنا عايز أقولك حاجة أن كل المشاركين في الموضوع دة قلبهم علي الشركة وبيطلبوا بمطالب مشروعة وكمان هقولك حاجة حتي لو أنت معترض علي المطالب لو أتنفذت ياريت سيادتك ترفض أنك تستفيد منها طالما أن قلبك علي الشركة

اكيد طبعا بس لازم تعرف انى ولا يوم من ايام الثورة ماكنتش فى الشركة وصدقنى انا بيتى بعيد جدا يعنى يمكن انت كنت بتشتغل 24 وتريح 48 يعنى جيت يومين لا انا جيت كل الاسبوع وبلاش كلام مالوش لازمه