سيارة اسعاف السويس للمجاملات الخارجيه

حتى الان لم نرى اى رد فعل من موظفين السويس او حته النقابه اللى اصلا مافيش نقابه
بخصوص الزميل المرحوم / الشاذلى (رحمه الله )
اشمعنا لما كانت سيارة الاسعاف بتطلع مجاملات لناس خارج الشركه واحيانا لشركة جاسكوا ....... لن نذكر اسماء منعا للاحراج
مش هذا خارج عن الائحه ام الموضوع بالمزاج ام ناس.....ناس
خالوها فى يوم وفاة الزميل مجامله ايضا من ضمن المجاملات
مع ان هذا حق للزميل وليس مجامله
مافيش حد فى السويس بيقول ( الصح صح & الخطاء خطاء )
الدوله بتغير او بتعدل فى القانون لمصلحة الشعب
واحنا مش قادرين نغير فى الائحه للمصلحة الموظفين
محدش بيدور على مصلحة حد
لازم نغير فى الائحه لما تحصل مصيبه
فى شركات مجاوره مثل ( المعمل و النصر والجمعيه )
بتقدم خدمات للموظف حتى على المعاش تكريم له واحترام لمدة خدمته فى الشركه
انما شركة الانابيب ماشاء الله عاليها ( اقطع عرق وسيح دم ) اللى راح.... راح
يعلم الله ان شكلنا وحش قوى بين الشركات بسبب الحركات الغريبه التى تصدر من قيادات الشركه فى السويس
احنا مش بنقل من حد معين انما بنوضح السلبيات فى ادارة الشركه
احنا عاوزين نظهر فى احسن صوره زى ايام زمان وسبحان مغير الاحوال
انا سمعت زمان كان بيضربوا بالشركه بها المثل
النهارده الشركات المجاوره بتقول شركة الانابيب شركه تعبانه قوى (اداريا و نقابينا )
وفعلا هذه حقيقه ولابد ان نظهرها وليس نخفيها
ولابد تعيش الشركه فى شفافيه واضحه حتى تتسنى لادارة الشركه لحلول فى ظل السلبيات التى نسمع بها كل يوم والتانى
اذا لم تتخذ الشركه تعديل فى الائحه للمصلحه العامه
سيظهر كل يوم مشكله جديده وسنعيش فى مشاكل لاتنتهى وساعتها نكون شئون اجتماعيه وليس شركة بترول
للاسف اغلب المشاكل بتكون بسيطه وحلولها ابسط
احنا بنحب نكبر المشاكل من حجمها
وفى نفس الوقت يجب تغير سلوكيات وشخصية الانسان القيادى لمستوى رفيع
يليق بشكل الرجل القيادى


وتفضلوا سيادتكم بقبول فائق الاحترام

ياسيدى ان عايز أسأل سؤال واحد لماذا تتوحش اللائحه على الغلابه وتتحول الى قط أليف ينام فى أحضان المسنودين والمفترين والظالمين حتى الأن لم نسمع كلمه واحده من النقابه أو أعضاء مجلس الإدارة المنتخبين والله ده مش عيب ده عااااااااار لكن إحنا نستاهل

يا استاذى العزيز اللائحة دة وضعها بشر مثلى ومثلك ولم يذكر فيها اطلاقا سيارة الاسعاف اصلا وانما دة امور داخلية خاصة بالعلاقات العامة او الخدمات العامة ايا كان اسمها فهى لخدمة الموظف داخل الشركة او خارجة وتطبق اللائحة طبقا للاهواء الشخصية كل مايزيد مركزك تفتح ابواب التجاوزات واللائحات الخاصة امامك اما لو كنت من عامة الشعب فتذكر هنا اللائحة المستعارة .... وعجبى ......
وارجع اقول دولة الظلم ساعة ودولة الحق ان شاء الله لدوام الساعة وشكرا والله موفقنا ............

لا حول ولا قوة الا بالله وحسبى الله ونعم الوكيل

استرهــــــــــــــــــا معنـــــــــــــــــــــــــــا يـــــــــــــــــــــــــارب

استرها معانا يارب