يبأه انت اكيد اكيد في انابيب مسطرد

لما تكون بتجري الصبح عشان تلحق تركن عربيتك وماتلاقيش مكان
تيجي تحطها جنب سور شركتك تلاقي الأمن يقول ممنوع ياجدعان
تضطر تمشي وتمشي وتمشي لحد شركة الخزف وممكن للدائري كمان
وترجع جري تلاقي بوابة الشركة اتقفلت في وشك كمان
وده عشان ساعة بيك بن دقت 8 بالتمام
تضطر تدخل من عند عمك السواح البطل الهمام
وده علي بوابه تانيه علي بعد حوالي نص كيلوا والرك ع الميزان
لو عداك من غير ماياخد اسمك يباه ياسعدك ياهناك
تاخدها جري عشان تلحق كشف الأمضي قبل مايتعمله باااك
ولو اتشال ادخل وراه وحاول تشرح موقفك يمكن حد يحس بلسعة قفاك
اقتنعوا بكلامك .......امضي واطلع جري عشان لسه فيه طريق قدامك
لسه قدامك كارت هيتختم في ماكينة وقت جباااااااااااااااااااااااااااااره
دي بأه اللي هتعرف انت صحيت امتي وكلت ايه وركبت ايه وركنت فين وازاي وناوي تشتغل ولا لا................الله عليكي يامصر لما بتدينا.....وأطلع بعدها ياحلو بعرقك وريحتك وانت مكسوف من زمايلك بس هتفاجا ان كله مر بنفس الظروف لأنهم....زمايلك
مااقتنعوش خد ديلك في سنانك واتبع نفس خط سيرك واتسحب وادخل بيتك ونام في سريرك ولما تصحي المدام قولها انك خدت اجازه بمزاجك
وبكده يبأه انت اكيد اكيد في انابيب مسطرد

ولما تكون مطحون في الشغل علي سيستم قديم
وفي نفس الوقت نفس الشغل بيتعمل علي سيستم جديد
ومن العجيب ان الكلام من اربع سنين
والأسم بيتعمله تيست ؟؟!! اللهي اللي بيعملك تيست من اربع سنين يطلع السلك عريان ويتكهرب بأه

واااااااااااااااااااااااه ياتستي


وبكده يبأه اكيد اكيد اكيد هيا دي الاناااااااااااااااابيب

ياعم سليم شهاب الانابيب ذنبها ايه المشكله فى الناس اللى ماعندهاش ولاء لاللانابيب و لا للبلد المسأله مسألة ضمير يارب يصحى ونخلص بقى من اللى احنا فيه لكن انا عندى أمل كبير ان الحال ينصلح ويبقى الوضع احسن من كده مش فى الانابيب بس لا فى البلد كلها لان اكيد المشكله متكرره فى مصر كلها يارب احمى مصر واجعل مصيرها النصر

أخى الكريم ولية تعمل كدة فى نفسك متحاول تصحى بدرى وتركن قبل الزحمة وتدخل بدون كل اللى حكيتة دة وتبعد نفسك عن المشاكل اللى بتعانيها كل يوم دة لو أنت بيحصلك كدة كل يوم أكيد هتتعب نفسيآ لأن محدش يستحمل دة وطالما ان هو دة النظام يبقى لازم تأقلم نفسك علية لأنة ماشى عليك وعلى غيرك ولو النظام دة مش مناسب ليك ولزملائك فحاولو أن تناقشوا الموضوع مع أحد المسؤلين عن هذا بدلآ من كل هذا ونتمنى التوفيق للجميع حتى تعطى فى عملك بدون أن تجلس تتذكر كل اللى حصلك وربنا هيكون معاك لو النظام دة مش مظبوط فأنة سوف ينظر فية من قبل المسؤلين لو نقلتم وجهة نظركم لهم بصورة واضحة وممكن يكون عندة رد يواسيكك عما انت فية وهو ان دة افضل نظام لنا حاليآ ويارب يوفق الشركة ومسؤليها فى وجود حلول لهذة المشاكل ان كانت دى مشكلة حقآ

سيدي الفاضل الاستاذ مجدي عبد التواب

شكرا لرد لحضرتك بس انا ليا تعقيب علي كلامك

لو فيه حد بيسمع شكوانا ماكناش اتكلمنا من ورا ستار هذا المنتدي
انا واحد من الناس اللي بحب الشركه جداااااا وربنا وحده اللي يعلم
لإنها فاتحه بيتي بس بحلم انها تتغير
الفكر عقيم
اسلوب العمل حراام والله انه مازال يعمل به حتي الأن
انا وزمايلي خايفين ان في يوم من الأيام نبأه بنفكر بنفس اسلوب الناس اللي موجوده
مافيش تغييير

هو كده
مش عاجبك اشتكي

اسلوب مستفز وجامد وضد اي تطوير او اصلاح
سيدي الفاضل....
كنت اعمل في القطاع الخاص وشاهدني صاحب الشركه وانا اعمل شات ....توقعت ان هذا اليوم هو اخر يوم لي في شركته
فوجدته يسألني عن مواضيع كانت معلقه فاجبته اني منتظر ايميل من عميل واني نفذت كافة تعليماته
فكانت الإبتسامه والأستحسان منه ومر الأمر بلا تعقيد
علي عكس شركتنا اتعمل لينا فيلم هندي عشان كنا وضعين قرآن كربم علي جهاز الحاسب

واقسم بالله ان الأجهزه تم اغلاق اليو اس بي وتم حذف المصحف

هل هذا جو يساعد علي الإبداع او العمل؟

مصمموا الويندوز وضعوا العاب ضمن النسخه مثل سوليتير لأن الأنسان الطبيعي لايستطيع ان يعمل اكثر من 8 ساعات بدون ان يريح مخه من جو العمل

انا لا اسخط علي الشركه بالعكس
انا حزين من الفكر العقيم واحلم ان تتغير العقول او ان اجد فرصه بعيده عن هذا الجو الذي لانستطيع ان نتكيف معه

أخى الكريم ارجو ان تتقدم وتقول رايك فى موضوع العمل الذى ترى أن هناك أفضل لتقدمة لشركتك ولا تخف من اى شئ ولا تقل أن محدش هيعمل حاجة فعلى الأقل انك تكون عملت اللى عليك ثانيآ المنتدى ليس ستار بل انة افضل شئ لأننى ارى ان المنتدى يتابع جيدآ بس للى يكون واضح وصريح وكلامة موزون لابد ان يكون هناك حلول فأرجو منك ان لا تتخذ المنتدى ستار بل قل رأيك بقوة طالما أنك ترى انة صح واذا ناقشك أحد فية فسوف تقدر على أقناعة بآن تدلل لة بآ ن وجهة نظرك صحيحة ويارب تكون فكرك مفيد لنا ولشركتنا لأننا نحب ان نرتقى بشركتنا الى مستوى اعلى ان شاء اللة وارجو ان تتقبل كلامى يا أخى

انت كلامك جميل وحلو بس ياريت انت تقول اية المشاكل الى موجودة فى الشركة نقدر نتكلم فيها