نادي أنابيب البترول الرياضي والاجتماعي

هذه هي اليافطة العملاقة التي يتزين بها مدخل النادي والتي تجعلك تشعر أنك أمام نادي من أكبر الأندية ولكن بمجرد دخولك هذا المكان تجد أن هذه اليافطة ليست الا حبرعلى ورق وأن هذا النادي ليس الا خرابــــة
نادي بدون أي وسيلة من وسائل الترفيه , مبنى أشبه بدورة مياه , قاعات وغرف مليئة بالكراكيب, كراسي وترابيزات غير صالحة , ملعب لايصلح لتربية مواشي..............الخ
لدينا نادي ولا نستطيع لعب الكرة الا في الشوارع أو تأجير ملعب خارجي!!!!
لدينا نادي واولادنا يلعبون في الشوارع!!!!!
أرجو من ادارة النادي أن يعلموا أن النادي ليس فريق كرة فقط ولكنه من المفروض أن يخدم كل فرد موجود بالشركة

أرجو من الادارة الاهتمام قبل بداية موسم الأجازات

واقترح على السيد مدير المنتدى باقامة يوم رياضي ودعوة الأعضاء المحترمين من المناطق الأخرى

لكم ارائكم ولي أراء والدنيا ظلال وأضواء

الله ينور عليك يا صديق بصراحة كتب اللى نفسى اقوله وفى انتظار اراءك

واللة موضوع جميل ومهم جدآ ويا ريت يتم ان شاء اللة واللة ينور عليك يا أخى

انا كنت سامع ان فى ميزانية لتجديد النادي الكلام ده كا من سنتين
و كنت عايز اعرف او حد يفهمني الاربع جنيهت الى بتخصم منا كل شهر تحت بند النادي الاجتماعي الرياضي
وبعدين فى مشكلة لما كنت بتكلم مع احد لاعبي فريق الدرجة انتو بتاخدة كام من النادي
ضحك بهستريا و قال حنا بناخد 150 جنيه فى الشهر و مكافة فوز 75 جنيه لو ى ملعبك و 100 جنيه لو بره و شرط جزائي لو حبيت امشي قبل ماعقدي يخلص ادفع 5000 جنيه اكلت ايه علشان اشرب عليه .
فارجو من السادة المسئولين بالاخذ بعين الاعتبار ان هذا الفريق يلعب باسم شركة بترول محترمة و نتمنى ان نرى هذا الفريق فى فى الدورى الممتاز الاول اسوة بانبي و بترول اسيوط و بتروجيت و ليس فى دورى القاع
""" ارجو النظر فى الجهاز الفنى والاداري للفريق """

يا عم downtaker فريق الكرة ده لا بيزودنا ولا ينقصنا
احنا عايزين نخلي النادي يكون ليه نشاطات تخدم جميع العاملين اسوة بالأندية الاجتماعية للشركات الموجودة بالسويس ومش عايزينه يبقى زي بتروجت ولا انبي احنا عايزينه يستفاد منه كل الناس

لكم ارائكم ولي أراء والدنيا ظلال وأضواء

هو ده حال مصرنا الحبيب

اخي friend لو انت من العاملين بالمنطقة يبقى انت مش عارف ان الجهاز الفنى واغلب اللاعبين بالفريق من العاملين بالشركة ولما يبقى فى صرف على اللاعبين حيبقى فى موارد لتجهيز النادي بكافة النشاطات الرياضية ( حمام سباحة - صالة جمانيزيوم - ملعب كرة مجهز لتدريب الفريق وملعب للمباريات وملعب للناشئين الخ و اتمني ان اري فريق الشركة فى دوري الاضواء لانه فى هذه الحالة حيبقى لنادينا شأن الفرق الكبيرة و يارب تكون فهمت معني كلامي

السلام عليكم .. الزيارة الاخيرة لى رئيس مجلس الادارة لى منطقة االسويس والتى ابدا استيائة من منظرالمصيف بانة لايلق بشركةكبيرة واهدار دخل المصيف والزيارة الثانية نادى الشركة واستع الى الكابتن ومسيرة العجز المالى الذى يعانى منة النادى وانبهر بكلام وحب الكابتن لى نادية وطلب لا احد يقاطعة فى حديثة وهذا يكفى لى سيادة ريئس مجلس الادارة جاء لى علمنا حب شركتنا ومن هو الذى يهدر مال الشركة ............

اوعو حد يكلم على النادى عشان الكابتن يزعل و يروح يقول الى رئيس مجلس الادارة عشان هو بيجلس معهو فى فندق فلسطين هو مسؤل بالجنة النشاط الرياضى بالهيئة العامة للبترول

يا ابن الايه انت جبت المعلومة دة منين ؟؟؟؟ انت مش سهل

بجد ضحكتونى بجد انا اول مرة اعرف ان فى نادى اسمة نادى انابيب البترول الرياضى والاجتماعى ودة ياترى فين ومين مديرة ومين الكابتن فية هههههههههههههههههه

[بسمااللة الرحمن الرحيم] نامل من كرم سيادتكم ان يتم لاولادة [/justify][/list]مع وافر التحية والاحترام-------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

أنا حزين على ما حدث للنادى ولن أنسى عندما إستدعانى المهندس أحمد عباس رئيس مجلس إدارة شركة السويس لتصنيع البترول وقال لى : النادى بتاعكو جاب لى وجع الدماغ يا باشمهندس على ، عمال الشركه المقيمين بالمستعمره بيطالبونى بتطوير النادى بتاعنا ليصبح مثل نادى الأنابيب ، وسألنى إيه اللى إنت عامله بالضبط ؟؟ فقلت له بلياردو وتنس طاوله وبلاى ستيشن وكرة قدم ودش يبث إلى المستعمره قنوات art وقنوات الشو تايم والمهم إن كل ذلك مجانا .
أنا حزين لأن كل الردو د لم تشير من قريب أو بعيد لعصر المهندس على فرج وما حدث فيه من تطوير خلال ثلاث سنوات فقط ، وإللى ما يعرفش يسأل وعموما هافضل برضه أحب السويس .

بسم اللة الرحمن الرحيم والدى الفاضل المهنس على احبك اللة الذى احببتنا واحببت السويس من اجلة ونحن واللة نحبك كثيرا يا بشمهندس ونتمنى يوما من ايامك لاسترجاع الخير من جديد ولاكن نقولها والامر للة على الدنيا السلام

afarag كتب: أنا حزين على ما حدث للنادى ولن أنسى عندما إستدعانى المهندس أحمد عباس رئيس مجلس إدارة شركة السويس لتصنيع البترول وقال لى : النادى بتاعكو جاب لى وجع الدماغ يا باشمهندس على ، عمال الشركه المقيمين بالمستعمره بيطالبونى بتطوير النادى بتاعنا ليصبح مثل نادى الأنابيب ، وسألنى إيه اللى إنت عامله بالضبط ؟؟ فقلت له بلياردو وتنس طاوله وبلاى ستيشن وكرة قدم ودش يبث إلى المستعمره قنوات art وقنوات الشو تايم والمهم إن كل ذلك مجانا .
أنا حزين لأن كل الردو د لم تشير من قريب أو بعيد لعصر المهندس على فرج وما حدث فيه من تطوير خلال ثلاث سنوات فقط ، وإللى ما يعرفش يسأل وعموما هافضل برضه أحب السويس .

الحق يقال
انا كنت من ابناء المنطقة السكنية
و افضل ايام النادي كانت ايام المهندس على فرج و هذه الشهادة لا ينكرها اي شخص كان يعيش داخل المنطقة السكنية
كنا فى عصر لما ننزل من البيت عارفيين هنرووح فين و بياقي اصحابي فين
لو مش عاوز تلعب بلياردو , ممكن تلعب بنج , ممكن تلعب كرة فى الملعب الاحمر , او الاخضر , ممكن تلعب كرة على بلاي ستيشن
كان وسائل الترفية كثيرة
و مع ان الذاكرة ضغيفة عندي كان يوجد سيبر نت داخل النادي ايضاً


كل الكلام ده اختفا و اصبح فى الماضي

الحق يقال ان الموجود حاليا عبارة عن مدينة سكنية مهجورة لا يوجد بها اي نوع من الخدمات سواء صيانة او نظافة واحب اوجه خالص شكري للسادة المسئولين الذين حاولوا جاهدين على تغيير معالم المدينة السكنية من حيث تجريف القطع الخضراء اليتيمة الموجودة بين كل مبنى والاخر و فتح المجال للمعيز والخراف بتقديم وجبات دسمة لهم عن طريق براميل قمامة موضوعة ولا يتم تفريغها بتاتا وطبعا المشكلة القديمة الى مازلنا وسنظل ننادي بها السور الفاصل بين المدينة السكنية و عرب الدبور ولكن واضح ان المسئولين عندنا لغتهم الام الالمانية وليست العربية .
ثانيا يوجد فى قلب المدينة السكنية تحفة معمارية لا يوجد بها اي شخص نهائيا يطلقون عليه اسم النادي الرياضي ومن شدة فراغه اصبح مرتع للكلاب والقطط والفئران لانه والحق يقال لا يوجد به ما يستدعي دخوله ده حتى مش موجود به كرسيين على بعض لو انت وواحد صحبك حبيتوا تدخلوا واحد حقعد والتاني حفضل واقف
انا عايز اعرف مصير اشتراكات لجنة النشاط الرياضي الى احنا بندفعها كل شهر دى بتروح فين ومحدش يقولى دعم الرحلات علشان مش كل الناس بتروح الرحلات ومحدش يقولى فريق الكورة علشان مش عايزين احراج
ويصراحة ربنا يسترها معانا من الخربون فى الارض