مشكلة عمال المقاول بالشركة

أتمنى أن تناقش اللجنة النقابية وبالأخص لجنة شئون العاملين مشكلة عمال المقاول ممن أمضوا سنين طويلة من عمرهم فى خدمة الشركة وحقهم مهضوم إزاى حد يكون شغال من أكتر من خمس أو عشر سنين ومافيش مجرد تفكير لتعيين المجدين منهم فين مبدأ تكافؤ الفرص مع كامل إحترامى للعاملين الناس دى أحق فى التعيين من إبن عامل أمضى فى الشركة 10 سنين مثلا دى ناس بتشقى وتشتغل فى أعمال كتير بالشركة وفى أى وقت وبتحب الشركة بس الأغلبية منهم مش عارفة توصل صوتها
إزاى الناس تسمعهم وتفهمهم المفروض ده دور أعضاء النقابة مش مجرد تلبية الرغبات للعاملين اللى ليهم أصوات فى الإنتخابات لأ المفروض الناس اللى مش عارفة تأخدأبسط حقوقها أولى
أتمنى الكلام يوصل للسادة أعضاءالنقابة ويتم النظر فى حقوق الناس الغلابة فى التعيين اللى أعتقدأن السادة أعضاء النقابة عارفينهم واحد واحد
أتمنى إنى ماأكونش جنيت على حق حد أوغلطت فى حد بس دى كانت أمانة ولازم اوصلها
مع جزيل الشكر[b]

اتمنى فعلا أن يأخذ الموضوع محمل الجد
وشكرا فعلا على المجهود الرائع وأتمنى فعلا إن يكون فى المنتدى أشخاص من كل مناطق الشركة أنه فعلا منتدى جميل للتواصل بين الأخوات
مع الشكر

اول الغيث قطره زى ما بيقولوا اهى بدأت باتنين من عمال المقاول فى السويس هما ( محمود سكرتاريه , اسامه بوفيه ) و الله المستعان فى الباقى انشاء الله

أتمنى ان تشمل باقى عمال المقاول المجدين بمناطق الشركة المختلفة
الله المستعان

انتو طرحتو مشكلة عمال القاول بالشركة وفرحنين اوى ان الاخ محمود سكرتارية واسامة بوفية اتعينو اولا الارزاق بايد اللة عز وجل اما ثانيا دول فوق فوق كانو عند المهندس صابر السعداوى ومع احترامى للجميع ياريت تنزلو تحت مثلا فى الصيانة فى عجز كتير فى الصيانة والى انتو قولتو عليهم دول اتعينو فين ورادى طبعا واماكن متنقية اما فى الصيانة فى اماكن الى شغالين فيها مديرى ادارات ومفيش غيرهم فى المكان اما عمال المقاول الى فى الصيانة بصراحة البركة فيهم هما الى شيلين الشغل وياريت فية تقدير من الادارة وتعين جزء منهم مع احترامى الشديد ليهم لكن للاسف ياريت بس الى فرحانين بتعين محمود واسامة ينزلو تحت فى الصيانة ويشوفو فعلا مين الى يستحق التعين الى فى السكرتارية والبوفية ولا الى فى الصيانة وعايزهم بس يطلعو طلعة واحدة مع الصيانة فى الجبل ويباتو ليلة واحدة فى الجبل ويشوفو اية الى بيحصل علشان يقدرو ويمكن فى التعينات الجاية انشاء اللة يقدرو الى بيتعب والمتبهدل فى الزيت والجاز والشحم مش الى بيقدم شاى وقهوة ولا الى بيروح بورق وبيجى بورق يلا الحمد للة وانا قلت فى الاول ارزاق ومقسمها الخلاق

ان كنت اعرف عمال مقاول بقالها 15 سنة فى الشركة والله دة ظلم ولسة واحد بيتعيين عندة 43 سنة من برة عشان لة واحد خلص ورقة .... كوسة

فعلا انت عندك حق عمال المقاول فى الشركة حقهم مهدوم وفى عمال كتير بالشركة بقالهم 18 سنة و 14 سنة وللاسف الشركة عتمدت عليهم فى كل شئ ومن غيرهم الشركة تتعطل

فعلا كلامك صحيح جدا ومحتاج وقفة ونظرة جديدة بس مش اى حد من عمال المقاول يتعين لازم يكون من الناس المجدة والمجتهدة جدا
وشكرا

والله كلامك كله صح ياستاذ على لأن فى فعلآ ناس شقيانه ومحدش بيبصلهم حتى انما تقريبآ الشاى والقهوه هما اللى بينفعو وأهى ارزاق فى الاول والاخر

[right]بسم اللة الرحمن الرحيم[/right]
لية الناس مابيرحموش اسالو المعين بعد ماتعين كان شعورك اية وانت شغال تبع المقاول ودلوقتى شعورك اية بعدالتعيين هايقوللك وبدون تردد اناكنت ذى العبد المستعبد وربنااعتقنا كنت شايل وكنت بودى وكنت بجيب وكنت بغسل وكنت بجهز وكنت بقدم وكنت وكنت وكنت ولما اتعينت حسيت انى كنت بغرق ولقيت الى ينقذنى بس بعد دة كلة يقول عليا وعلى اعدائ وأول واحد يشوط فية هوى ارحم لانك كنت ارحم يعنى ارحمو رجالة المقاول لانهم عماد الشركة صيانة حراسة يوفيةخدمات ادارية ياااادارية وفية ناس مدتهم تذيد عن 18 سنة حراسة خدمات حتى الان لم يفكرو لحظة رغم المحاولات العديدة المتتالية المتتابعة المتوالية المتشابكة المتراكمة ارجوكم الناس دى اصحاب بيوت وسنهم زاد عن 43سنة من لهم غير اللة ثم سيادتكم حتى ولو ابسط الامور فى شركة ابيسكو وكان المفروض يدخلو اول عقد فى ابيسكوأ‘تعمل لاكن جاء من هب ودب ودخل ابيسكو من اوسع ابوابها رغم انة ليس لة وجود فى دفتر المقاول ولاكن اتطبخ كل شئ ومشيت العملية وراحو الغلابة ضحية ارجو من سيادتكم اعادة النظر فى اوراق الناس وهم اصل الشركة وتعينهم على وجة السرعة نشكر كل من يشارك فى هذة القضية من اجل عمال المقاول المناطق هى السخنة ويوجد فيها رجل من اقدم عمال المقاول وهوى رجل يخدم فى الشركة منذ زمن من ايام الدكتور عصام و رجالة اخرون ومحطة ابو صوير بالكامل عدد لا يقل عن 8او9 افرادولو سكتنا هايحصل نفس ال حصل ياتون بناس ليسو من نهم وهم جدد وجميع المحطات ودة دليل على ان التعيين جاء من الخارج وليس من افراد المقاول ارجو من المسؤلين منع البروشتات من الخارج سدد اللة على الحق خطاكم