رسال طازجه

وصلتنى على التو هذه الرساله من صديق مرح على بريدى الأكترونى فقررت أن أرسلها إلى منتداكم العزيز
الجحش ....قال للحمار والحدق يفهم
----------

يابا اديني الحنطور
ياباإنت سنّك كبر
و وَجَب عليّا الدور
كَـحّ الحمار كَـحة
فزعِت لها الركاب
مش يابني بالصحة
ده كل شئ بحساب
و سواقة الحنطور
محتاجة حدّ حكيم
و إنت عينك فارغة
همّك على البرسيم
قوللي تسوق إزاي
و التبن مالي عينيك
ده حتى حبل اللجام
واسع يا إبني عليك
إعقل و بطّل طمع
لا تسخّن الركاب
ماتجيش يا واد جنبهم
لا تبقى ليلة هباب
دول صنف ناس جبّار
قادر مالوهش أمان
يبان عليهم وَهَن
لكنهم فرسان
يابا دا نومهم تِقِل
و بقالُه يابا سنين
كل البشر صحصحوا
و لسه دول نايمين
يا جحش بطّل هبل
و بلاش تعيش مغرور
رُكابنا مش أغبيا
ولا عضمهم مكسور
بُكرة حيصحولك
و يزلزلوا الحنطور
و تلاقي فيك
تمانين
مليووون خازوق محشور